20 траўня агучаны прысуд цэлай сям’і — палітзняволеныя Васіль Прохараў асуджаны да 11 гадоў пазбаўлення волі ў калоніі, яго жонцы Ларыса і сыну Павел вынесены вырок па 8 гадоў зняволення.
Яшчэ аднаму фігуранту справы, настаўніку беларускай мовы Руслану Прахарэнку, прысудзілі 10 гадоў калоніі. Пра лёс пятага фігуранта справы, Фёдара Аксёненка, нічога невядома.
Іх абвінавачвалі паводле ч. 1 арт. 356 КК (здрада дзяржаве), ч. 1 арт. 130 КК (распальваньне варожасці), ч. 1 арт. 361-4 КК (садзейнічанне экстрэмісцкай дзейнасці) і ч. 1 арт. 406 КК (неданясенне пра злачынства). Працэс праходзіў у закрытым рэжыме з 20 траўня, справу разглядаў Гомельскі абласны суд. Суддзя — Вадзім Бобыраў.
З неафіцыйнай крыніцы @radiosvaboda вядома, што крымінальная справа тычыцца фатаграфавання розных аб’ектаў на тэрыторыі Беларусі, а за фігурантамі справы нейкі час перад арыштам сачылі спецслужбы.
вясна
