Сёння ў Берасцейскай вобласці частка горада Кобрына засталася без электрычнасці. Як паведамляе “Берасцеэнерга”, “тэхналагічны збой у працы абсталявання” адбыўся на адной з падстанцый а 4-й гадзіне раніцы па беларускім часе. У некалькіх раёнах знікла святло, перадае «Еўрарадыё».
Энергетыкі адзначаюць, што “ў выніку аператыўных пераключэнняў большая частка спажыўцоў засілкавана і электразабеспячэнне ў дамах адноўлена”. Аднак па стане на 8-ю гадзіну адключанымі заставаліся 36 трансфарматарных падстанцый, 6 высакавольтных ліній, адзін населены пункт і адна кацельня.
“Для забеспячэння працы абсталявання на час аднаўленчых работ на падстанцыі” ў Кобрын павінны прывезці пяць генератараў.
Беларускае Радыё Рацыя
