Праваабаронцам стала вядома пра як мінімум 15 спраў “пра замену абмежавання волі” на калонію асуджаным раней па палітычных матывах.
Паводле інфармацыі “Вясны”, пачынаючы з чэрвеня ў судах Беларусі ўжо разглядзелі ці разгледзяць у бліжэйшы час мінімум 15 спраў “пра замену абмежавання волі” асуджаным раней па палітычных матывах.
Суды адбываюцца нават над тымі, хто з’ехаў з Беларусі пасля прысуду. Паводле заканадаўства, для замены пакарання на больш жорсткае дастаткова трох спагнанняў.
Пры гэтым на “хатніх хімікаў” увесь час аказваецца ціск: да іх ноччу прыязджаюць з праверкамі, абмяжоўваюць у вольным часе і адпраўляюць на “суткі” за “парушэнне рэжыму адбыцця пакарання”, піша “Вясна”.
