Дырэктар «Беларускай ініцыятывы» Chatham House Рыгор Астапеня пракаментаваў новыя даныя даследавання пра настроі беларусаў адносна вайны, замежнай палітыкі і магчымых ваенных саюзаў.
Астапеня адзначае, што большасць беларусаў хоча як мага хутчэйшага завяршэння вайны ва Украіне і выступае за пачатак перамоваў:
– За ўсе часы нашых замераў падтрымка дзеянняў Расеі ў гэтай вайне найменшая, толькі 27% беларускіх гарадскіх жыхароў падтрымліваюць дзеянні Расеі ў вайне. Вайна не з’яўляецца нечым папулярным у беларускім грамадстве. І большасць людзей хацела б неадкладнага спынення ваенных дзеянняў і пачатку нейкіх перамоваў.
Па словах Рыгора Астапені, беларускае грамадства па-ранейшаму расколата ў пытанні саюзаў і будучага геапалітычнага выбару, у тым ліку мажлівага саюза Беларусі і Расеі:
– Прыхільнасць да Расеі вырасла, а гэта звязана з тым, што адбываліся шмат які падзеі, гэта зразумела. Але гэта шмат у чым звязана з тым, што проста паміж Беларуссю і Захадам паўстае даволі сур’ёзная жалезная заслона, якая, безумоўна, абмяжоўвае прыхільнасць беларусаў да праеўрапейскага выбару.
Паводле Рыгора Астапені, галоўныя высновы сведчаць пра тое, што беларускае грамадства апынулася ў стане стомленасці і інфармацыйнай ізаляцыі, што істотна ўплывае на яго настроі. Толькі 8% апытаных беларусаў гатовыя падтрымаць ідэю ўступлення краіны ў НАТА пасля змены палітычнага кіраўніцтва. 37% рэспандэнтаў лічаць, што Беларусь павінна імкнуцца да нейтралітэту. 55% выступаюць за тое, каб краіна пасля палітычных змен заставалася ў АДКБ.
Цалкам матэрыял:
Беларускае Радыё Рацыя
