Больш за сотню работнікаў лясной гаспадаркі працягваюць тушыць буйны пажар у Палескім лясгасе на Альманскіх балотах. Па суседстве змагаюцца з пажарам у Чарнобыльскай зоне. Пры гэтым жыхары беларускіх гарадоў скардзяцца на дымку і пах гары ў паселішчах.
Пра тое, ці пагражаюць такія пажары Падляшшу, разважае хімік, экс-супрацоўнік Нацыянальнай акадэміі навук Беларусі Сяргей Бесараб:
– Асноўная пагроза ствараецца для тых, хто тушыць гэтыя пажары, і для людзей якія жывуць у радыусе 10 кіламетраў ад ачага гэтага пажару. Калі гарыць падлесак ці торф, гэта далёка не ляціць. Цяпер вецер з боку Палесся накіраваны ў бок Польшчы. Але ж і дадзеныя з польскіх метэаралагічных станцый пацвярджаюць, што аэразоляў тут пакуль шмат не фіксуецца, яны не радыеактыўныя. То бок усё дзе гарыць, там і застаецца.
Зараз вядома, што дзякуючы аператыўным і зладжаным дзеянням працаўнікоў лясгасаў пажар лакалізаваны ў кварталах 89 і 101 Рубельскага лясніцтва Палескага лясгаса.
Фота Міністэрства лясной гаспадаркі Рэспублікі Беларусь:
Беларускае Радыё Рацыя
