25 сакавіка, у Дзень Волі, Святлана Ціханоўская ў Офісе ў Вільні ўзнагародзіла шэраг асоб, якія працуюць на карысць вольнай і дэмакратычнай Беларусі.
Медаль «За плённую працу на карысць Беларусі» за адданасць інтарэсам беларускага народа і значны ўклад у развіццё беларускай дэмакратыі і грамадзянскай супольнасці, паслядоўнае адстойванне інтарэсаў дэмакратычнай Беларусі атрымаў: Віціс Юрконіс – літоўскі палітолаг, выкладчык, эксперт па Беларусі, кіраўнік літоўскага офіса Freedom House.
Крыж Адраджэння Беларусі атрымаў: Сяргей Дубавец – беларускі журналіст, літаратар, крытык і выдавец, грамадскі дзеяч.
Акрамя таго, некалькі асобаў узнагароджаныя непублічна.
