У Варшаве адбылася цырымонія ўзнагароджання выбітных асоб медалём Францыска Скарыны і медалём «За плённую працу на карысць Беларусі», медалём «Гонар і Годнасць».
Медалём Францыска Скарыны ўзнагароджаныя:
– Альжбэта Смулкова – мовазнаўца, славістка, беларусістка, першая амбасадарка Польшчы ў Беларусі
– Уладзімір Някляеў – беларускі паэт, празаік і грамадска-палітычны дзеяч
Медаль Францыска Скарыны ўручаецца беларускім і замежным грамадзянам, якія працуюць у галіне навукі, адукацыі і культуры, за выдатныя заслугі ў прафесійнай дзейнасці, значны асабісты ўклад у развіццё і павелічэнне духоўнага і інтэлектуальнага патэнцыялу беларускага народа.
Медалём «За плённую працу на карысць Беларусі» ўзнагароджаныя:
– Ян Маліцкі – прафесар, дырэктар Цэнтра ўсходнееўрапейскіх даследаванняў Варшаўскага ўніверсітэта;
– Роберт Тышкевіч – польскі палітык, выдавец, грамадскі дзеяч;
– Мацей Радзівіл – грамадскі дзеяч, фінансіст, мецэнат.
Медаль «За плённую працу на карысць Беларусі» ўручаецца беларускім і замежным грамадзянам і асобам без грамадзянства за выбітныя дасягненні ў прафесійнай і грамадскай дзейнасці на карысць беларускага народа і беларускай дзяржавы ў сацыяльнай, эканамічнай, культурнай і палітычнай сферах.
Медалём “За гонар і годнасць” узнагароджаны
– Андрэй Янушкевіч – беларускі гісторык, выдавец, дырэктар выдавецтва «Янушкевіч».
Гэтай узнагародай ушаноўваюцца асобы, якія праявілі выключную адданасць у барацьбе за свабоду, нацыянальныя каштоўнасці, дэмакратыю і правы чалавека, страцілі ў гэтай барацьбе свае жыцці.
Паслухайце, што казалі ўдзельнікі цырымоніі:
Беларускае Радыё Рацыя
