На ахову парадку на выбарчых участках 25-га лютага адправяць байцоў моладзевых атрадаў БРСМ, перадае тэлеканал СТБ.
300 хлопцаў і дзяўчат прайшлі дадатковую падрыхтоўку на вучэбна-метадычным зборы ў вайсковай часці у менскім Уруччы. Паведамляецца, што бээрэсэмаўцы прайшлі навучанне па асновах права і заканадаўства, вывучалі медпадрыхтоўку, авалодвалі навыкамі абыходжання са зброяй. Таксама яны прайшлі некалькі элементаў курсу маладога байца.
Падчас абвешчаных “выбараў” бээрэсэмаўцы будуць дапамагаць міліцыянтам.
Беларускае Радыё Рацыя
