Дабрачынны фонд “Вільна Білорусь” абвясціў конкурс дэкламавання па-беларуску, прымеркаваны да Міжнароднага дня роднай мовы, які адзначаецца 21 лютага. Да ўдзелу запрашаюцца ўсе ахвотныя, у тым ліку наведвальнікі курсаў беларускай мовы на базе “Дому вольнай Беларусі”.
Кажа кіраўнік фонду Аляксей Францкевіч:
– Дакладна далучацца могуць усе беларусы, гэта ж Міжнародны дзень мовы. І вось запусціць такі флэш-моб, каб людзі далучаліся, здымалі відэа, выкладвалі ў сеткі для папулярызацыі беларускай мовы – гэта ж цудоўна. Мы гэта тут робім, каб нейкім чынам заахвочваць беларусаў тут, ва Украіне.
Аўтары самых арыгінальных і цікавых выступаў атрымаюць перакідны каляндар на 2025 год з выявамі герояў, што аддалі свае жыцці за свабоду Беларусі і Украіны.
Відэа можна дасылаць на электронную пошту [email protected]. Пры неабходнасці ўдзельнікам гарантуецца ананімнасць.
Цалкам матэрыял слухайце ў далучаным файле:
Беларускае Радыё Рацыя
