Міністр навукі і вышэйшай адукацыі Польшчы Дарыюш Вечорэк наведаў з візітам універсітэты горада і сустрэўся з мясцовым самакіраваннем. Сярод іншага Дарыюш Вечорэк адказаў на пытанне, ці варта ў Беластоку мець сваю кафедру беларусістыкі і ці варта чакаць на попыт на яе сярод абітурыентаў:
— Гэта цікавая тэма, бо я абсалютна падтрымліваю развіццё такога тыпу кірункаў, як для беларускай моладзі, якая не хоча жыць пры гэтым рэжыме, так і для ўкраінскай моладзі, нават праз вайну. Таму я мушу разабрацца, чаму такая інфармацыя, што цікавасці да такой сферы ўвогуле няма. Мы паспрабуем гэта праверыць і стварыць такія варункі, каб беларуская моладзь, што прыедзе ў Польшчу, сапраўды магла вучыцца.
Адпаведна Дарыюш Вечорэк сустрэўся з рэктарамі падляшскіх ВНУ ў штаб-кватэры электратэхнічнага факультэта Беластоцкай палітэхнікі. Удзел у сустрэчы таксама прынялі маршалак Лукаш Пракорым, ваявода Яцэк Бжазоўскі і прэзідэнт Беластока Тадэвуш Трускаласкі.
Беларускае Радыё Рацыя
