Беларускія актывісты-валанцёры з Батумі сабралі амаль 700 даляраў данатаў для ваяроў, што ваююць за Украіну ў складзе Беларускага Дабравольчага корпусу.
Пра тое, што будзе набыта за гэтыя грошы распавядае валанцёрка Святлана:
— Мы сабралі 1863 лары на дрон, на Mavic 2 Pro. І якраз яго атрымалі. Адзін дрон нам перадалі бясплатна з Тбілісі, таксама беларусы. На наступным тыдні два дроны паедуць ва Украіну.
Па словах валанцёркі зборы будуць працягвацца, але яны зараз адбываюцца даволі павольна:
— Розныя новыя людзі далучаюцца да суполкі, але і застаюцца тыя, што данацяць не першы год. У параўнанні з мінулым годам колькасць данатаў паменшылася, зборы ідуць павольна, але мы збіраем, памагаем, бо ўсякае помач гэта помач.
Беларусы Батумі аказваюць дапамогу ваярам з батал’ёну «Тэрор» і іншым падраздзяленням з Беларускага Дабравольчага корпусу. За апошні год гэта было набыццё абутку і цёплай вопраткі, брэндзірванне вопраткі і іншае.
Беларускае Радыё Рацыя
