Дарожна-транспартнае здарэнне з удзелам беларускага аўтобуса, адбылося ў польскім горадзе Жэшуў, пра гэта паведамілі ў МЗС Беларусі. Экскурсійны аўтобус з 48 грамадзянамі Беларусі накіроўваўся ў Вугоршчыну.
Сярод папярэдніх версій ДТЗ разглядаецца магчымасць, што кіроўца-беларус мог заснуць за рулём. Для пасажыраў, якія не пацярпелі, улады горада падагналі заменны аўтобус. Колькасць пацярпелых вырасла да 14 чалавек. З раненнямі лёгкай і сярэдняй ступеняў цяжкасці яны шпіталізаваны і размешчаны ў пяці медычных установах. Загінулых няма.
МЗС Беларусі паведаміла, што знаходзіцца ў кантакце з кампетэнтнымі органамі Польшчы, консульства ў Бялай Падляскай прымае неабходныя меры па дапамозе грамадзянам.
