Дзеці беларускіх палітуцекачоў з Варшавы адпачылі восем дзён у Нямеччыне пад Берлінам. Гэтым разам у асноўным былі дзеці са студыі “Купалінка” з Варшавы. Летнік стаў магчымы дзякуючы асацыяцыі “Мара”, у якой працуюць беларусы, і нямецкай евангелісцкай супольнасці на чале з пастарам Арно Лайя.
Паводле кіраўнічкі асацыяцыі “Мара”, спадарыні Вольгі, акрамя летнікаў для беларускіх дзетак яны яшчэ ладзяць і зімнікі. Адбіраюць дзетак туды паводле трох крытэрыяў:
– Гэта не абавязкова дзеці палітвязняў павінны быць. Канешне, мы б хацелі, але ўсё ж такі ў нас няма магчымасці псіхалагічна дапамагаць такім дзецям. Тры крытэрыі – гэта дзеці павінны быць з сем’яў, якія фінансава самі сабе не могуць адпачынак для дзяцей. Па-другое, яны не павінны цягам года быць у нейкім летніку, то бок гэта раз на год. І, канешне, дзеці, якія былі вымушаныя пераехаць за мяжу.
Паводле кіраўніцы студыі “Купалінка” з Варшавы Наталлі Локіць, яны першы раз прыехалі на летнік так далёка, дзецям вельмі спадабалася:
– У нас быў у мінулым годзе двухтыднёвы летнік і былі яшчэ беларускія летнікі, але такім выездам мы першы раз – з начоўкамі, з сантыментамі, са строгімі выкладчыкамі, якія кажуць, што ў 22 гадзіны трэба класціся спаць. Але класна, таму што тут такі ішоў інтэнсіў – тут быў варштат спеваў з Андрусём Такіндангам, яны малявалі, тэатральнае кола раніцай і ўвечары, рыхтаваліся да нейкіх паказаў, кудысьці выязджалі. І яно настолькі інтэнсіўна, што ты ўжо не паспяваеш. Таму, па-мойму, выдатна
Беларускія дзеці 9 жніўня далі развітальны канцэрт у нямецкім мястэчку Нойтрэбін, падчас якога нагадалі пра падзеі пяцігадовай даўніны, якія адбыліся ў Беларусі. На ім прысутнічалі і мясцовыя жыхары. А 10 жніўня ўжо развіталіся з Нойтрэбінам, дзе месціўся летнік, і набылі новыя кантакты і новых сяброў.
Цалкам матэрыял слухайце ў далучаным файле:
Беларускае Радыё Рацыя
