Памяці грамадскага дзеяча. Роўна год таму ў Пінску заўчасна не стала Аляксандра Аўсеенкі, які быў адным з першых, хто падтрымаў у рэгіёне Беларускі Народны Фронт «Адраджэнне». Амаль дзесяць гадоў з’ўляўся дэпутатам мясцовага Савета ад дэмакратычнага блоку. Між іншага дабіваўся вяртання будынкаў праваслаўнай і каталіцкай царкве, якія былі адабраныя ў вернікаў за савецкім часам.
Праваабаронца адзначыў, што ў яго застаўся толькі светлы ўспамін:
— Ён быў чалавекам сумленным, сапраўдным грамадзянінам і чалавекам прамым, які ніколі не рабіў нешта за спінай, ніякіх інтрыгаў, і ён заўжды казаў тое, што думае аб другім чалавеку, не хлусіў у гэтым плане. Ён удзельнічаў у 20-м годзе ў гэтых пратэсных акцыях, за што і быў пакараны адміністрацыйна.
У апошнія гады жыцця Аляксандр Аўсеенка актыўнічаў, як прадстаўнік «Руху «За Свабоду». У снежні 2019 года зладзіў з паплечнікамі пікет у цэнтры Пінска супраць паглыблення інтэграцыі Беларусі з Расеяй.
Беларускае Радыё Рацыя
