80% беларусаў, якія эмігравалі, «збіраюцца вярнуцца ў краіну пры ўмове, што ў ёй зменіцца ўлада», заявіў акадэмічны дырэктар даследчага цэнтру BEROC Леў Львоўскі, прадстаўляючы 17 чэрвеня ў Берліне прамежкавыя вынікі апытання.
Эксперт удакладніў на просьбу выдання «Позірк», што ў апытанні ўдзельнічаюць беларусы, якія жывуць у Польшчы і Літве і былі вымушаныя пакінуць радзіму пасля падзей 2020 году, а таксама ўкраінцы, якія з’ехалі за мяжу пасля расейскага ўварвання ў 2022-м.
Даследаванне працягваецца, пакуль гатовыя толькі «папярэднія вынікі па выніках апытання 300 рэспандэнтаў, палова з якіх — беларусы». «Таму дадзеныя нельга лічыць канчатковымі і рэпрэзентатыўнымі», — падкрэсліў Львоўскі.
