ЕЗ у рамках праграмы EU4Belarus – SALT працягвае праграму падтрымкі для тых, хто пацярпеў ад палітычнага пераследаў і страціў крыніцу даходу і магчымасць атрымання адукацыі, піша ПЦ “Вясна”.
Праграма прызначана для былых палітзняволеных, а таксама беларусаў і беларусак, якія падвергліся адміністрацыйнаму або крымінальнаму палітычнаму пераследу.
Памер падтрымкі: да 10 000 еўра. На гэтую суму ў межах праграмы адна асоба можа атрымаць падтрымку, напрыклад, на навучанне і зборы, выдаткі на пераклад дакументаў, пражыванне ў інтэрнаце (для прафесійнай адукацыі да 12 месяцаў), грамадскі транспарт (для вочнага навучання працягласцю не менш за месяц); падпіскі на праграмнае забеспячэнне і лічбавыя платформы, неабходныя для навучання і перападрыхтоўкі. Адпаведная анкета для атрымання падтрымкі ёсць на сайце https://eu4belarus.info/grants02-ex-politicalprisoners-by/.
