BYSOL падымае суму выплаты палітвязням і вызваленым да €1000, – напісаў кіраўнік фонда Андрэй Стрыжак на сваёй старонцы ў Facebook. Таксама BYSOL разам з ініцыятывай BY_help працягваюць комплексна падтрымліваць былых палітвязняў. Падтрымка можа быць фінансавай, медыцынскай, псіхалагічнай і эвакуацыйнай.
Нагадаем, нядаўна беларусы сабралі неабходную суму на калядныя падарункі дзецям палітвязняў. Станам на раніцу 26 снежня было сабрана 25 116 еўра. На падарунак кожнаму дзіцяці будуць выплачаныя 100 еўра.
