Беларускі фонд спартыўнай салідарнасці сумесна з Athletes for Freedom Foundation абвясціў пра пачатак збору сродкаў на падтрымку і рэабілітацыю беларускага добраахвотніка з пазыўным «Фенікс». Ён атрымаў цяжкія раненні пад Бахмутам у траўні 2023 года, перажыў тры клінічныя смерці і больш за сто аперацый.
Кіраўнік Фонду спартыўнай салідарнасці Аляксандр Апейкін падкрэсліў, што гэты збор выходзіць за межы адной асабістай гісторыі:
– Як бы ёсць пытанне, звязанае з бяспекай, звяртаемся пакуль з пазыўным. Фактычна гэта такая агульная гісторыя для многіх добраахвотнікаў, аднаразовыя зборы. Гэта ўвогуле, я лічу, такое агульнае сацыяльнае пытанне “што рабіць з гэтай катэгорыяй людзей?” Пайшлі фактычна бараніць годнасць беларускай нацыі ва ўсёй гэтай гісторыі, звязанай з расейскай агрэсіяй. Але зараз яны апынуліся ў такім цяжкім становішчы.
Арганізатары збору адзначаюць, што пры неабходнасці бяспекі спонсарам гарантуецца поўная канфідэнцыйнасць. Збор правераны платформай Facebook, і да яго можна далучыцца з краін еўразоны, ЗША і Канады.
Падтрымаць беларускага добраахвотніка з пазыўным «Фенікс» можна тут:
Цалкам матэрыял:
Беларускае Радыё Рацыя
Фота БФСС
