Беларусам, затрыманым падчас варшаўскага канцэрта беларускага рэпера Макса Каржа, могуць пагражаць рэпрэсіі, калі яны будуць высланыя на радзіму. З такой заявай выступіла фракцыя “Моладзевы наступ” у Каардынацыйнай радзе.
«Прынцып non-refoulement (недапушчальнасць вяртання ў краіну, дзе пагражаюць пераслед або катаванні) з’яўляецца асновай еўрапейскай сістэмы абароны правоў чалавека і абавязвае ўлады ўстрымлівацца ад дзеянняў, якія могуць прывесці да такіх наступстваў», — падкрэсліваецца ў заяве.
Адзначыўшы павагу да права Польшчы падтрымліваць грамадскі парадак і дзейнічаць па сваіх законах, аўтары падкрэсліваюць: усе павінны быць роўныя перад законам, а рашэнні і пакаранні — прапарцыйнымі ўзроўню віны, без дыскрымінацыі паводле грамадзянства або паходжання.
