Менскі гарадскі суд прысудзіў палітыку Франаку Вячорку 20 гадоў калоніі ўзмоцненага рэжыму, паведаміла прэс-служба Генпракуратуры.
«Лукашэнкаўскі суд» высока ацаніў маю працу. Далі па максімуме, што было прадказальна. Безумоўна, я буду абскарджваць гэтае рашэнне, дамагацца яго адмены. Я лічу, што ўсе саўдзельнікі — суддзя, пракурор і іншыя — панясуць адказнасць у свой час», — пракаментаваў Вячорка выданню «Позірк» свой прысуд.
Працэс над дарадцам Ціханоўскай пачаўся 31 траўня. Справа ўключала абвінавачванне па дзевяці артыкулах Крымінальнага кодэкса, сярод якіх «здрада дзяржаве» і «паклёп на прэзідэнта». Вячорка падаў у суд хадайніцтва, каб даваць паказанні праз відэасувязь, але суд заявіў, што калі справа разглядаецца ў парадку спецвядзення, то матэрыялы справы падаюцца абаронцу. У выніку палітыку прысутнічаць на працэсе аддалена забаранілі і запрасілі прыехаць у Менск.
Беларускае Радыё Рацыя
