Былая палітычная зняволеная Ганна Скрыган чакае рашэння ў Польшчы па міжнароднай абароне роўна столькі, колькі адсядзела ў зняволенні ў Беларусі, а гэта 16 месяцаў.
Адсутнасць абароны вельмі абцяжарвае стан жыцця тут, у Польшчы, кажа былая палітзняволеная Ганна Скрыган:
-Не магу пахваліцца, што ўсё ў парадку, усё добра, таму што я на гэты момант чакаю рашэнне. Я падалася на міжнародную абарону і чакаю рашэнне ўжо столькі часу, колькі правяла ў зняволенні ў Беларусі. Я ведаю, што даволі шмат былых палітзняволеных, якія таксама вельмі доўга чакаюць гэтага рашэння.
Паводле Ганны, атрыманне міжнароднай абароны дае магчымасць вырашыць шмат праблем. Асабліва ў пошуках працы, вырашэнні штодзённых спраў. І няма нікога, хто б абараняў нашы інтарэсы, бядуе былая палітзняволеная.
Беларускае Радыё Рацыя
