Генеральны пракурор Андрэй Швед адкрыў клас “Юны пракурор”. Навучанне ў ім будзе весціся ў сярэдняй школе №28 у Гародні. У ім будуць вучыцца 27 хлопцаў і дзяўчат – навучэнцаў 10 класа. Па словах Шведа, мінімум адзін такі клас павінен з’явіцца ў кожнай вобласці, піша grodnonews.by.
“Для нас сёння стаіць задача адкрыць у кожным рэгіёне рэспублікі як мінімум па адным спецыялізаваным класе. Гэта вельмі важна не толькі для органаў пракуратуры, але і ў цэлым для дзяржавы”, – сказаў ён.
Швед таксама заявіў, што зараз ідзе “актыўная інфармацыйная барацьба за розум і сэрцы” дзяцей. Раней клас такой накіраванасці быў адкрыты ў сярэдняй школе №2 Магілёва. Вучні гэтага класа носяць форму, падобную на мундзіры пракурораў, наведваюць органы пракуратуры, выязныя судовыя пасяджэнні і так далей.
Фота: grodnonews.by
