“Ад 2 да 3 месяцаў займае падрыхтоўка да чарговага вызвалення палітвязняў. Але гэтым разам працэдура выглядае зацягнутай. Хутка вясна, але мы не атрымліваем інфармацыі, што такія перамовы паміж беларускім і амерыканскім бокам вядуцца”. Кажа былы палітвязень, прымусова дэпартаваны ў Літву, кіраўнік ліквідаванай Беларускай партыі «Зялёныя» Зміцер Кучук:
– Таму што былі абяцанні Трампа выпусціць паўтары тысячы, былі такія дамоўленасці, але, на жаль, ужо хутка вясна, а дамоўленасці з боку Лукашэнкі не выконваюцца. Тут важна, каб амерыканскі бок больш актыўна і больш патрабавальна да гэтага ставілася. Усё ж такі было выпушчаны, якія былі абяцаныя. І я разумею, наколькі гэта важна, бо сам знаходзіўся ў турме.
Па стане на сёння, 13 лютага, як сведчыць старонка праваабарончага цэнтруа “Вясна”, у Беларусі налічваецца 1142 палітвязня. А ўсяго пачынаючы ад 2020 года палітвязнямі былі прызнаныя 4429 асобаў.
Цалкам матэрыял:
Беларускае Радыё Рацыя
