Год – такі тэрмін за кратамі знаходзіцца палітвязень з Берасця Зміцер Гарбуноў. Большую частку прысуджанага часу зняволення ён ужо правёў за кратамі і хутка павінен выйсці на волю:
Палітвязню Змітру Гарбунову былі прад’яўленыя абвінавачванні па арт. 369 Крымінальнага кодэкса — Абраза прадстаўніка ўлады і арт. 368 Крымінальнага кодэкса — Абраза прэзідэнта Рэспублікі Беларусь.
У чэрвені 2021 года блогер нібы пакінуў абразлівы каментар пад фотаздымкам лідскага міліцыянта Антона Кацілы. Каментар быў пакінуты ў кантэксце затрымання загінулага палітвязня Вітольда Ашурка. Таксама абвінавачванні прад’явілі за каментар, пакінуты ў жніўні 2021 года у Facebook-суполцы пасля таго, як Аляксандр Лукашэнка назваў нацыянальны беларускі сцяг “анучай”.
Прысуд – 1 год і 6 месяцаў пазбаўлення волі ў калоніі ва ўмовах агульнага рэжыму. Суддзя – Марыя Аліферук. Праз паўгады палітвязень павінен выйсці на волю.
Беларускае Радыё Рацыя
