Год знаходзіцца за кратамі палітзняволеная з Берасцейскай вобласці Дыяна Завадская.
Дзяўчына асуджаная па двух крымінальных палітычна матываваных артыкулах:
– Палітзняволенай Дыяне Завадскай былі прад’яўленыя арт. 342 Крымінальнага кодэкса — арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх і арт. 361-3 Крымінальнага кодэкса — удзел ці падрыхтоўка грамадзяніна Рэспублікі Беларусь на тэрыторыі замежнай дзяржавы ў ваенных дзеяннях без упаўнаважання дзяржавы.
Пасля таго як пачалася вайна ва Украіне, Дыяна Завадская разам з сынам выехала ў Грузію, узначальвала каманду тэсціроўшчыкаў у EPAM. Вярнулася ў Беларусь і была арыштаваная. Унесена ў так званы “спіс экстрэмістаў”.
Дакладны вынік суда невядомы, пакаранне адбывае ў папраўчай калоніі №4.
Аліса Поль, Беларускае Радыё Рацыя
Фота: “Вясна”
