У армянскім Ерэване беларусы апошнім часам сталі больш актыўна аб’ядноўвацца і ладзіць супольныя актыўнасці. Пра гэта распавёў беларускі актывіст і блогер Зміцер Грынкевіч.
Паводле яго слоў, цягам апошняга месяца ў горадзе прайшло некалькі ініцыятыў, накіраваных на згуртаванне беларускай дыяспары. У прыватнасці, беларусы арганізуюць нефармальныя сустрэчы, а таксама абмеркаванні грамадска-палітычных падзей. Асобную ўвагу супольнасць надала святкаванню Дня Волі — гадавіны абвяшчэння Беларускай Народнай Рэспублікі 25 сакавіка. Гэтае свята традыцыйна адзначаецца беларусамі па ўсім свеце і застаецца сімвалам незалежнасці і нацыянальнай годнасці.
Як прайшоў у Ерэване Дзень Волі, распавядае Зміцер Грынкевіч:
-Ля помніка Заравару Андраніку – гэта вайсковы кіраўнік, якога можна параўнасць з нашым Булак-Балаховічам, стаялі з плакатамі, усклалі кветкі да помніка, частавалі мінакоў, якія праходзілі, яблыкамі, салам з чорным хлебам.
Па словах блогера, у Арменіі паліцыя амаль не рэагавала на акцыю:
-Было пару паліцэйскіх, якія падышлі, здалёк зірнулі і адышлі як мага далей.
Актывіст зазначае, што нават маленькай супольнасцю беларусаў Арменіі можна рабіць розныя акцыі, якія паказваюць беларускую прысутнасць на Каўказе.
Цалкам гутарка:
Беларускае Радыё Рацыя
