49-гадовы Іван Вайтовіч родам з Лунінца працуе ў Варшаве з 2021 года служыцелем царквы «Wspolnota chrescijansko-pulawska», якая знаходзіцца на вуліцы Pulawska 114. Канешне, не па добрай волі ён і яго сям´я апынуліся ў Польшчы, хаця віны за імі няма. Але ён рады, што можа служыць беларусам тут, гаворыць Іван Вайтовіч:
– У нас у царкве ёсць сем’і беларусаў, украінцаў, зразумела, палякаў, і царква мае такія карані, звязаныя з Беларуссю. Бо калісьці гэта частка – адна з цэркваў касцёла Хрыста – пачатак з’яўлення такіх цэркваў пачынаецца ад Кобрыншчыны. І там першыя цэрквы касцёла Хрыста з’явіліся дзесьці ў 1921 годзе. І вось з тых часоў шмат адкрылася цэркваў.
Паводле Івана Вайтовіча, назіраючы за грамадзянамі Польшчы, заўважаеш іх павагу да чалавека, чаму яшчэ беларусам трэба вучыцца тут, за мяжой. І гэта будзе важным крокам да будучай дэмакратычнай Беларусі.
Цалкам матэрыял:
Беларускае Радыё Рацыя
