Служба эвакуацыі фонду BYSOL сёлета працягвала актыўна дапамагаць беларусам, якія сутыкаліся з патрэбай пакінуць краіну. За гэты год валанцёры арганізацыі атрымалі сотні зваротаў.
За год было арганізавана 228 эвакуацый, у тым ліку адзіночных выездаў і перамяшчэнняў цэлых сем’яў з дзецьмі. Гэтыя лічбы сведчаць пра велізарную працу, якую робіць фонд, каб дапамагчы тым, хто трапіў у складаную сітуацыю. Як адзначыў кіраўнік фонду Андрэй Стрыжак на сваёй старонцы ў Instagram, BYSOL будзе працягваць дапамагаць усім, хто мае патрэбу ў падтрымцы. “Робім гэта, каб кожны, хто апынуўся ў небяспецы, мог знайсці шлях да свабоды і бяспекі”, — падкрэсліў ён. У многіх выпадках хапала кансультацый, але часам падтрымка была куды больш значнай — валанцёры літаральна суправаджалі людзей на кожным этапе.
Беларускае Радыё Рацыя
