Біяінфарматык, доктар прыродазнаўчых навук Янак Коўзель на працягу 6 гадоў прыязджаў да Алеся Пушкіна ў вёску Бобр.
Паводле Янака Коўзеля, Алесь быў чалавекам-святам, заўсёды адкрытым для людзей, хаця мясцовыя жыхары не вельмі яго цанілі і ставіліся насцярожана да яго дзейнасці:
– Алесь зрабіў такі даўншыфцінг з Віцебска, дзе ў яго было такое бурлівае жыццё і свая першая прыватная галерэя. Ён зрабіў такі свядомы выбар паехаць у вёску, дзе ён нарадзіўся. Ён там насамрэч ствараў вельмі шмат, шмат рабіў для жыхароў Бабра, гэта не толькі палітычныя акцыі, гэта таксама і святы, Купалле, пра якое ўсе ведаюць, і таксама калядаванне.
Доктар Янак Коўзель жыве ў Нямеччыне. Але на адкрыццё выставы Алеся Пушкіна 6 жніўня прыехаў адмыслова. Дарэчы, выстава будзе праходзіць у Варшаве да канца жніўня ў Музеі Вольнай Беларусі.
Цалкам матэрыял слухайце ў далучаным файле:
Беларускае Радыё Рацыя
