12 – столькі інтэрнэт-старонак было прызнана экстрэмісцкімі за апошні час судамі Берасцейскай вобласці. Гэта крыніцы інфармацыі ў Тelegram, Іnstagram і YouTube.
Суды Берасцейскай вобласці найбольш цікавілі крыніцы інфармацыі, якія маюць па некалькі тысяч ці па некалькі дзясяткаў тысяч падпісчыкаў.
Лідзіруючую пазіцыю займаюць інфармацыйныя крыніцы ў тэлеграм. Так у спіс трапілі тэлеграм-каналы “Беларуский Дом в Украине – взаимопомощь” , “FRIEDMAN”, “Переможний Магдiяж”, “Наталля с двумя “Л””.
Экстрэмісцкай таксама была прызнаная старонка ў Фэйсбук арганізацыі “Belpol”, інстаграм і цік-ток з назвай “osb.belpol” ды ютуб “BELPOL”.
Не абмінулі берасцейскія суды старонку ў інстаграм пад назвай “zyve_belarus_vechna”, “belarus_com” і “welcome.to.belarus”.
Беларускае Радыё Рацыя
