Прадстаўніца Народнага пасольства Беларусі ў Італіі Юлія Юхно і яе арганізацыя «Талака» сталі партнёрамі міжкантынентальнай эстафеты «Голас праз межы».
Пра сэнс гэтай эстафеты распавядае Юлія Юхно:
– Гэта ініцыятыва накіравана на падобны марафон, які мы рабілі ў мінулым годзе, але ў гэты раз эстафета накіравана не на беларусаў за мяжой, а на замежнікаў. То бок, на нашыя краіны, дзе мы жывем, і на замежнікаў, якія маглі б падтрымаць беларусаў у гэты цяжкі перыяд іх жыцця і нашага змагання.
Па словах Юліі Юхно, нам усім трэба паказваць «пазітыўную Беларусь»:
– Не так шмат замежнікаў ведае, што ў нас адбываецца. Я гэта бачу кожны дзень па паводзінах у Італіі, напрыклад. І таму, мы будзем расказваць пра Беларусь, не толькі ў кантэксце палітвязняў і актуальнага палітычнага становішча, але і ствараючы пазітыўны імідж Беларусі. Мне здаецца, што гэта вельмі важна, ствараць таксама пазітыўны выгляд.
Юлія Юхно кажа, што ў Італіі зараз жыве каля 10 тысяч беларусаў, якія раскіданыя па ўсёй краіне.
Беларускае Радыё Рацыя
