Суд Нясвіжскага раёна прызнаў інстаграм актывісткі з Гародні Юліі Сліўко экстрэмісцкім.
Юля са здзіўленнем адрэагавала на гэтую навіну:
– Я дагэтуль трохі ў шоку, хаця я разумела, што так будзе. Але апошнім часам я так расслабілася, зараз я нават не ведаю. Я змяніла назву ў інстаграме, і далей буду яго весці. Нічога кепскага там не паказвала. Я не паказвала забойствы, пра наркотыкі. Я паказваю сваё эмігранцкае жыццё.
Па словах актывісткі яе сябры адмовіліся ад яе яшчэ ў 2020-м годзе:
– Мае сябры ад мяне адмовіліся яшчэ ў 2020 годзе, усе яны падпісалі паперкі пра тое, што яны не будуць трымаць са мной сувязь. Гэта было ў 2020 годзе, таму ў 2025, праз 5 год нешта ім казаць…Прабачце, не бачу патрэбным. Я паведаміла падпісчыкам, што мой акаунт прызнаны экстрэмісцкім, хаця ён у мяне вельмі невялікі. Там няма нават 600 чалавек.
Цалкам матэрыял:
Пасля падзеяў 2020 года Юлія Сліўко з-за рэпрэсіяў і пагрозаў яе сям’і была вымушана пакінуць Гародню, і цяпер жыве і працуе ў Варшаве.
Сяргей Апановіч, Беларускае Радыё Рацыя
