Напрыканцы году варта абавязкова ўспомніць тых грамадзян Беларусі і асобаў, звязаных з Беларуссю, якіх не стала на гэтым свеце ў 2023 годзе. Беларускае Радыё Рацыя ўзгадвае людзей, якія пакінулі добрую памяць і светлы след па сабе, вызначыліся на ніве беларушчыны.
4 студзеня ў Пінску памёр Алесь Аўсеенка, беларускі грамадскі актывіст, сябра «Руху за Свабоду».
6 студзеня памёр Віктар Хурсік, беларускі журналіст, пісьменнік і выдавец.
18 студзеня ў Вільні памерла Леакадзія Шышэя, удзельніца беларускага пасляваеннага супраціву, сябра падпольнай слонімскай арганізацыі «Чайка», былая зняволеная ГУЛАГУ.
26 студзеня ў баі пад Вуглядарам загінуў Эдуард Лобаў, беларускі палітычны дзеяч, вызвольны дзеяч сустаршыня «Маладога Фронту».
27 студзеня памёр Міхаіл Мустыгін, беларускі футбаліст і трэнер.
У студзені памёр Анатоль Літвіновіч, беларускі навуковец.
17 лютага памёр Міхась Шушкевіч, беларускі паэт.
26 лютага ў Полацку памёр Іван Каліноўскі, беларускі краязнавец.
27 лютага ў Менску памёр Аляксей Дудараў, беларускі драматург і сцэнарыст.
4 cакавіка памёр Канстанцін Скуратовіч, беларускі журналіст.
20 сакавіка ў Менску памёр Анатоль Казлоў, беларускі пісьменнік, рэдактар аддзелу часопіса «Полымя».
11 красавіка памёр Сцяпан Копа, беларускі падляшскі фалькларыст і музыкант.
22 красавіка памёр архіепіскап Арцемій (Аляксандр Кішчанка), беларускі праваслаўны іерарх, які ў 1996-2021 гадах узначальваў Гарадзенскую епархію.
7 траўня ў калjніі «Віцьба-3» памёр палітвязень Мікалай Клімовіч.
16 траўня на фронце ў Бахмуце загінуў Міраслаў Лазоўскі, беларускі ваяр, грамадскі дзеяч. Апрача Лобава і Лазоўскага ў 2023 годзе ў час баёў за ызваленне Украіны загінула яшчэ не менш 15 беларускіх ваяроў.
27 траўня памёр віцебскі краязнавец, даследчык камуністычных рэпрэсій Уладзімір Іваноў.
У траўні ў Віцебску памёр Хрыстафор Жаляпаў, беларускі грамадскі дзеяч.
У траўні памёр Іосіф Бойса, лідскі грамадскі актывіст, сябра ТБМ.
18 чэрвеня памёр Міхась Хмялеўскі, адзін з старэйшых дзеячаў беларускай культуры на Падляшшы, даўні шматгадовы журналіст «Нівы».
У пачатку ліпеня ў Лідзе памёр Міхась Бурачэўскі, беларускі грамадскі актывіст, фатограф.
11 ліпеня ў Гародні ў шпіталі ў выніку катаванняў і здзекаў у турме памёр Алесь Пушкін, беларускі мастак, грамадскі дзеяч, палітвязень.
16 жніўня ў Менску памёр Віктар Карамазаў, беларускі пісьменнік.
У жніўні памёр Сяргей Зылькоў, гарадзенскі грамадскі актывіст, фундатар многіх беларускіх спраў.
4 верасня памёр Анатоль Кляшчук, беларускі фотамастак.
3 кастрычніка ў Бельску памерла Надзея Артымовіч, беларуская паэтка.
9 кастрычніка ў Вільні памерла Міраслава Русак (дзявочае прозвішча Станкевіч), беларуская грамадская актывістка.
20 кастрычніка памёр Міхаіл Жданоўскі, беларускі рэжысёр-дакументаліст.
28 кастрычніка памёр Аляксей Ненадавец, беларускі літаратуразнавец, краязнавец і этнограф.
11 лістапада памерла Таіса Агафоненка, беларуская майстрыца саломапляцення.
24 лістапада ў Лазане (Швайцарыя) памёр Адась Калюта, беларускі мастак і філолаг, адзін з лідараў беларускай дыяспары ў Чэхіі.
У лістападзе ў Менску памёр Сяргей Мацкойць, беларускі грамадскі актывіста, абаронца Курапатаў.
7 снежня ў Менску памёр Вадзім Александровіч, беларускі журналіст і грамадскі актывіст.
15 снежня памёр Сяргей Чырык, беларускі відэааператар.
Светлая памяць людзям, якія жылі, тварылі і працавалі на карысць Беларусі…
Беларускае Радыё Рацыя
