Напрыканцы года традыцыйна ўспамінаем тых грамадзян Беларусі і асобаў, звязаных з Беларуссю, якіх не стала на гэтым свеце за чарговы каляндарны адрэзак. Беларускае Радыё Рацыя ўзгадвае людзей, якія пакінулі добрую памяць і светлы след па сабе, вызначыліся на ніве беларушчыны, культуры, абароны правоў чалавека, у сферы грамадска-палітычнай дзейнасці.
2 студзеня памёр Дзмітрый Гарэлік, былы дырэктар Гомельскага тэатра лялек.
3 студзеня ў Магілёве раптоўна памёр Алесь Сілкоў, беларускі грамадска-палітычны актывіст.
7 студзеня ў Менску памерла Святлана Яўсеева, паэтэса, перакладчыца, жонка беларускага пісьменніка Артура Вольскага і маці музыкі Лявона Вольскага.
У студзені (паміж 13 і 16 студзеня) памёр Уладзімір Трацэўскі, беларускі гісторык архітэктуры.
23 студзеня памёр Віктар Гардзей,беларускі пісьменнік.
24 студзеня памёр Мікола Лавіцкі, грамадcкі дзяяч, аўтазаводзец, абаронца беларускай мовы.
У студзені памерла Таццяна Навасельская, беларуская архівістка, захавальніца магіл айчынных літаратараў.
У пачатку лютага ў Віцебску памёр Іосіф Навумчык, беларускі грамадскі дзеяч.
15 лютага ў Дзятлаве памёр Валеры Петрыкевіч, беларускі краязнавец, настаўнік, сябра розных грамадскіх арганізацый.
У сакавіку памёр Сяргей Кныш, беларускі рок-музыка, былы ўдзельнік рок-гуртоў «Бонда» і ULIS.
6 красавіка ў Менску памёр Міхаіл Піліпенка, беларускі навуковец-этнолаг.
У траўні ў Віцебску памёр Сяргей Урублеўскі, беларускі журналіст і літаратар.
У траўні ў Варшаве памерла Ніна Маргаева, беларуская мастачка.
15 траўня ў Гомелі памёр Віктар Адзіночанка, беларускі навуковец, праваабаронец.
20 траўня стала вядома пра смерць у калоніі палітвязня Валянціна Штэрмера.
22 траўня памёр Уладзімір Паўлючук, беларускі прафесар універсітэта ў Беластоку, сацыёлаг, публіцыст, пісьменнік, даследчык народнай культуры.
У чэрвені ў Варшаве знойдзены мёртвым Зміцер Каспяровіч, беларускі грамадскі актывіст.
4 чэрвеня ў эміграцыі ў ЗША памёр Аляксандр Класкоўскі, грамадскі актывіст, былы палітвязень.
22 чэрвеня памёр Радзім Гарэцкі, беларускі акадэмік-геолаг, грамадскі дзеяч.
25 чэрвеня ў Менску памёр Валерый Рыбараў, беларускі кінарэжысёр і сцэнарыст.
5 ліпеня ў Варшаве ад наступстваў анкалагічнага захворвання памёр Андрэй Бардухаеў-Арол, беларускі рэжысёр, актор.
У пачатку ліпеня памёр Мікола Люцко, сябра Управы Згуртавання беларусаў свету «Бацькаўшчына» і сябра Рады Згуртавання ад самага пачатку заснавання арганізацыі.
16 ліпеня памёр Вячка Станкевіч, беларускі грамадзкі дзяяч, заступнік старшыні Рады БНР.
18 ліпеня памёр Міхал Балаш, польскі архітэктар беларускага паходжання.
22 ліпеня памёр Эдвард Зайкоўскі, беларускі археолаг.
18 жніўня памёр Віктар Вабішчэвіч, беларускі паэт, настаўнік і дасьледчык культуры са Століншчыны.
22 жніўня ў Менску памёр Яраслаў Еўдакімаў, беларускі спявак.
У верасні памёр Алег Тумашоў, беларускі музыка, удзельнік гуртоў«Фарпост» і Ulis.
17 верасня памёр Міхал Кандрацюк, беларускі лінгвіст з Падляшша, аўтар шматлікіх кніг, даследчык і эксперт па дыялектах (беларускім, украінскім і балтыйскім), памежных мовах, а таксама паходжанні тапонімаў і прозвішчаў.
У кастрычніку памёр Алесь Палынскі, беларускі пісьменнік.
15 кастрычніка памерла Мая Яніцкая, беларуская даследніца айчыннага шкла, слуцкіх паясоў, абаронца старажытнай Нямігі.
У лістападзе памёр Том Стопард, брытанскі драматург, які выступаў у падтрымку беларускай культуры і беларускіх палітвязняў.
У лістападзе ў Гародні памёр Мечыслаў Курыловіч, беларускі гарадзенскі доктар і літаратар.
7 лістапада памёр Вячаслаў Рагойша, беларускі літаратуразнавец, даследчык беларуска-ўкраінскіх літаратурных сувязяў, доктар філалагічных навук.
1 снежня памёр Генадзь Пашкоў, беларускі паэт, былы шматгадовы дырэктар выдавецтва «Беларуская энцыклапедыя».
14 снежня памёр Віктар Капыцька, беларускі кампазітар.
21 снежня ў Варшаве раптоўна памёр Мікіта Мелказёраў, беларускі журналіст, блогер.
Акрамя пералічаных у 2025 годзе памёр цэлы шэраг палітычных эмігрантаў і былых палітвязняў у Беларусі.
Светлая памяць людзям, якія жылі, тварылі і працавалі на карысць Беларусі, змагаліся за вольнасць Айчыны…
Беларускае Радыё Рацыя
