8 чэрвеня на ўчастку памежнай заставы “Усава” Гарадзенскай памежнай групы знайшлі цела вайскоўца з прыкметамі суіцыду.
Малады чалавек 2002 года нараджэння быў прызваны ў кастрычніку мінулага года. Па службе характарызаваўся станоўча, паведамляе Гарадзенская памежная служба. На момант трагедыі малодшы сяржант знаходзіўся ў памежным нарадзе па ахове дзяржаўнай мяжы.
На месцы здарэння працуе следча-аператыўная група.
Кіраўніцтва Дзяржпагранкамітэта і камандаванне Гарадзенскай пагранічнай групы выказала спачуванні родным і блізкім вайскоўца.
