Каляднае Пасланне
Св. Сабора Епіскапаў Святой Польской Аўтокэфальнай Праваслаўнай Царквы
Дастойнаму Духавенству, Hабожным Манахам і Манашкам
Ўсім Веруючым, Дзецям і Моладзі
Хрыстос Нарадзіўся!
„Не бойцеся, бо вось я абвяшчаю вам вялікую
радасць, кая будзе дадзена ўсяму чалавецтву: вось,
сёньня, у горадзе Давіда нарадзіўся для вас Збаўца,
які ёсць Хрыстос, Гасподзь” (Лк 2:10-11).
Гэтымі словамі Анёл Гасподні абвясціў свету вялікую радасць аб нараджэнні
нашага Збаўцы Ісуса Хрыста.
Пастухі, якія ахоўвалі свае статкі на Віфлеемскіх палях, зведаўшы гэтую радасць,
паспяшаліся ў Віфлеем, каб пакланіцца Слову, якое сталася, якое абвясціў нам Гасподзь
(Лк 2, 15).
Браты і сёстры! І мы, людзі дваццаць першага стагоддзя, сабраўшыся ў нашых
храмах, узносім хвалу Богу, таму што дзеля нашага збаўлення Ён прынізіў Сябе,
прыняўшы постаць слугі, стаў падобным да нас чалавекам (Флп 2, 7).
Недасяжная чалавечаму розуму таямніца Ісуса Хрыста, які стаў чалавекам,
змяніла ход гісторыі, надаючы ёй новае значэнне рэчаіснасці. Анёлы, перажываючы Яе
веліч, усхвалілі прышэсце Збаўцы сваім спевам: Хвала на вышынях Богу, і на зямлі
супакой у людзях добрай волі (Лк. 2, 14).
Браты і сёстры! Перажыванне Божага Нараджэння, да якога мы рыхтаваліся
саракадзённым постам, напаўняе нас радасцю, умацоўвае духоўна і дае моц вытрываць
сярод спакусаў гэтага свету. Бачны свет далучаецца да нябачнага і разам з анёламі славіць
Бога: Хвала на вышынях Богу і на зямлі мір (Лк 2, 14).
Адзінства дзвюх прырод — боскай і чалавечай — у Хрысце з’яўляецца вечнай,
істотнай праўдай для нашай веры і збаўлення. Ён — краевугольны камень нашай Царквы,
каб кожны, хто верыць у Яго, не загінуў, але меў жыццё вечнае (Ян 3, 16). Праваслаўная
Царква выказвае гэтую праўду ў сваіх службах. У стіхіры напрыканцы ютрані чытаем:
„Слова сталася целам, узрадаваліся сілы нябесныя, узрадаваліся зямля і людзі на ёй”.
Будзем жа захоўваць гэты духоўны, радасны настрой і дзяліцца радаснай навіной
аб збаўленні з нашымі братамі. Давайце спяваць калядныя песні ў нашых дамах,
працягваючы гэты прыгожы звычай для ўмацавання веры і любові да Хрыста і адзін да
аднаго. Актуалізуючы гэтую духоўную, збаўчую падзею, даверым Богу свае клопаты і
праблемы і папросім у Яго спакою, якога сёння не хапае чалавецтву, бо мы перажываем
войны ва Украіне, Святой Зямлі, Азіі і Афрыцы.
Сучасны свет больш спрыяе граху, ставячы пад сумненне традыцыйныя
каштоўнасці. Сучасны чалавек часта губляецца і лёгка паддаецца сучаснай
секулярызацыі, прыстасоўваючыся да з’яў, якія не адпавядаюць вучэнню св. Евангелля.
Браты і сёстры! Будзьмa пільнымі. Будзем вернымі разумнаму вучэнню св.
Царквы, на прыкладзе нашых продкаў. Умацуем нашу веру на цвёрдым камені веры
нашых Айцоў і Маці: Радуйцеся надзеяй, цярпіце пакуты, трывайце ў малітве (Рым 12,
12). Не будзь пераможаны злом, але перамагай зло дабром (Рым 2:21). Асабліва гэта
датычыцца вас, дарагая моладзь. Толькі са сталай, глыбокай верай вы зможаце
пераадолець спакусы навакольнага свету. Няхай у гэтай вялікай справе дапамагае Вам
народжаны Хрыстос Гасподзь.
Браты і сёстры! Мы заканчваем 2024 год. Мы дзякуем Богу за шчодрасць дадзенай
нам ласкі. Мы ўрачыста адзначылі 100-годдзе незалежнасці нашай Царквы – аўтакефаліі.
Урачыстасці адбыліся ва ўсіх дыяцэзіяльных цэнтрах, з цэнтральнымi на св. Гары
Грабарцы ў дзень Перамянення Госпада з усталяваннем ад імя ўсяе Царквы ста крыжоў
з назвамі мястэчак і асобных парафій. Мы адзначылі 35-годдзе аднаўлення ЛюблінскаХoлмскай дыяцэзіі, 30-годдзе аднаўлення дзейнасці Праваслаўнага Ардынарыята Войска
Польскага і 45-годдзе Брацтва Праваслаўнай Моладзі. Слава Богу за ўсе дары Ягоныя,
якія служаць дабру Праваслаўнай Царквы.
Удзячныя Богу за тое, што мінула, мы з верай і надзеяй уступаем у 2025 год, калі
ўсё хрысціянства будзе святкаваць 1700-годдзе Першага Сусветнага Сабору ў 325 годзе.
Папросім Бога, каб Новы 2025 год быў благаслаўлёным часам, поўным духоўнай
радасці, мудрасці і спакою, каб Гасподзь супакою даў сваю ласку св. Царкве, Айчыне і
ўцяму свету: Няхай будзе з намі Дух мудрасці і розуму, Дух рады і сілы, Дух пазнання і
страху Госпада (Іс 2, 11).
Паздраўляем Духавенства, Манахаў і Манашак, Моладзь, Дзяцей і ўсіх Веруючых
Царквы ў нашай краіне і за яе межамі з Божым Нараджэннем і Новым 2025 Годам.
Жадаем усім багатай Божай ласкі і шчаслівага Новага 2025 Года.
Хрыстос нарадзіўся, Праслаўляйце Яго!
Божай любоўю, пакорлівыя:
- Савва, Мітрапаліт Варшаўскі і ўcёй Полшчы
- Авель, Архіепіскап Люблінскі і Холмскі
- Якаў, Архіепіскап Беластоцкі і Гданскі
- Георгій, Архіепіскап Вроцлаўскі і Шчэцінскі, Праваслаўны Ваенны Ардынарый
- Паісій, Архіепіскап Пярэмыcкі і Горліцкі
- Грыгорый, Архіепіскап Бельскі
- Афанасій, Eпіскап Лодзенскі і Пазнанскі
- Павел, Eпіскап Гайнаўскі
- Андрэй, Eпіскап Супраскі
- Варсонофій, Eпіскап Семятыцкі
Раство Хрыстова, 2024/2025 г.
Столічны Горад Варшава
