Праваабаронцам вядома, што ў апошні месяц КДБ “выклікае на размовы” і затрымлівае людзей, якія маюць дачыненне да розных ініцыятыў і праектаў, якія легальна працуюць у Беларусі. Гэта адбываецца ў розных кутках краіны і з праектамі рознай накіраванасці.
Адным з фактараў, што аб’ядноўвае ўсе гэтыя кейсы, з’яўляецца тое, што сілавікі хочуць схаваць рэпрэсіі ад грамадства — людзям пагражаюць, што калі інфармацыі пра пераслед трапіць да праваабаронцаў і СМІ, то ў дачыненні да іх будуць распачатыя крымінальныя справы.
Праваабаронцы маюць спіс арганізацый і праектаў, якія патрапілі пад рэпрэсіі КДБ, але не публікуюць яго ў мэтах бяспекі. Калі вам вядома пра такія выпадкі, калі ласка, паведамляйце “Вясне” — па жаданні, гэтая інфармацыя не будзе публічнай. Але нагадаем, што апублічванне дапамагае паказаць, што рэпрэсіі ў Беларусі не толькі не спыняюцца, а наадварот узмацняюцца, асабліва напярэдадні выбараў.
Крыніца: t.me/viasna96
