Камітэт дзяржаўнай бяспекі Беларусі працягвае праверку адвакатаў у Гомлі і Гомельскай вобласці. Пра гэта паведамляе агенцтва «Позірк».
Фота: © Sputnik
Паводле крыніцы агенцтва, адбылося два рэйды. Іх вынік — звальненні, пазапланавая пераатэстацыя, крымінальныя і адміністрацыйныя справы.
Першы рэйд КДБ правёў па юрыдычных кансультацыях 23 траўня, а 29 траўня супрацоўнікі спецслужбы наведалі тых, хто ў той дзень не быў на працоўным месцы.
«Цікавіліся стаўленнем да ўлады, правяралі тэлефоны, праводзілі гутаркі», — сказала крыніца.
Са слоў іншай крыніцы, звольнілася не менш за тры дасведчаныя адвакаты і гэтая колькасць можа ўзрасці. Як мінімум адзін адвакат адпраўлены на пазачарговую пераатэстацыю.
