586 разоў – столькі былі прызнаныя экстрэмісцкімі матэрыяламі крыніцы інфармацыі ў Берасцейскай вобласці. Адлік вядзецца ад ліпеня 2020 года да сярэдзіны верасня бягучага года, – адзначыла праваабаронца:
– Калі глядзець на хуткасць і маштабы, як хутка гэта ўсё адбываецца, то за апошні год вельмі значна гэты спіс пашырыўся. То бок у 2020-2021 годзе значна менш дадавалі ў гэтыя так званыя экстрэмісцкія матэрыялы.
Праваабаронца дадала, што да ліку экстрэмісцкіх матэрыялаў на Берасцейшчыне дадаюцца ютуб-каналы, суполкі ў Фэйсбук, Аднакласніках, УКантакце, тэлеграм-старонкі і тэлеграм-чаты ды кнігі.
Беларускае Радыё Рацыя
