Найміты расейскай ПВК «Вагнер» працягваюць на сістэматычнай аснове працаваць з вайскоўцамі ўнутраных войск і Узброеных сіл Беларусі. Але такое супрацоўніцтва публічна не прызнаецца, паведамляе маніторынгавая група “Беларускі Гаюн”.
Напрыклад, у красавіку найміты праводзілі баявое зладжванне атрада спецпрызначэння «Граніт», а на палігоне «Абуз-Лясноўскі» “вагнераўцы” праводзілі заняткі па баявой, агнявой і тактычнай падрыхтоўцы з беларускімі ваеннаслужачымі. Акрамя таго, на палігоне «Асіповіцкі» вайскоўцы артылерыйскіх падраздзяленняў Беларусі сумесна з наймітамі «Вагнер» праводзілі заняткі па баявой падрыхтоўцы.
Усяго ж колькасць “вагнераўцаў”, якія працягваюць заставацца ў Беларусі, можа вылічвацца сотняй чалавек, паведамляе маніторынгавая група.
