Суд над затрыманымі ў Шуміліне каталіцкімі святарамі Анджэем Юхневічам і Паўлам Лемехам адбыўся дыстанцыйна.
Як расказалі вернікі выданню Katolik.life, затрыманых не прывозілі ў суд і разглядалі іх адміністрацыйную справу праз Скайп. Вынік суда вернікам і духавенству не паведамілі, аднак вядома, што святары застаюцца ў зняволенні — гэта значыць, ім быў прысуджаны адміністрацыйны арышт.
Таксама арыштавалі парафіянку касцёла ў Шуміліне. Гэта маладая жанчына, педагог, удзельніца душпастырства моладзі Віцебскай дыяцэзіі, раней была вакалісткай музычнага гурта. Цяпер яна таксама знаходзіцца ў зняволенні ў Віцебску.
