Праваабарончая ініцыятыва «Людзі перш за ўсё», распачатая ўкраінскім “Цэнтрам грамадзянскіх свабод” і расейскім “Мемарыялам”, арганізавала шэраг сустрэч у Італіі. Прыняў удзел у гэтых сустрэчах сябра Праваабарончага цэнтра «Вясна», былы палітвязень Леанід Судаленка.
На сустрэчах з італьянскімі дэпутатамі і журналістамі гаварылася пра вызваленне палітвязняў усіх трох краін, кажа Леанід Судаленка:
-Пры перамовах аб спыненню агня паміж Украінай і Расеяй, безумоўна, галоўнай павесткай павінна быць выстаўлена патрабаванне вызвалення ўсіх, падкрэсліваю, усіх палітзняволеных, у тым ліку і беларускіх. Самая, як я лічу, галоўная каштоўнасць гэтай паездкі палягае менавіта ў гэтым.
Леанід Судаленка спадзяецца на выніковасць сустрэчы з італьянскімі палітыкамі, грамадскімі дзеячамі і журналістамі па вызваленні палітвязняў і ў прыватнасці Нобелеўскага лаўрэата Алеся Бяляцкага.
Цалкам матэрыял:
Беларускае Радыё Рацыя
