Кіраўніку праваабарончага цэнтра “Вясна”, лаўрэату Нобелеўскай прэміі, палітзняволенаму Алесю Бяляцкаму 25 верасня споўніцца 62 гады. Свой чарговы дзень народзінаў праваабаронца сустрэне за кратамі. Калегам дайшлі звесткі, што Алеся моцна катуюць і здароўе яго значна пагоршылася.
Праваабарончы цэнтр “Вясна” пачаў кампанію па вызваленні свайго кіраўніка, якога трымаюць у рэжыме інкамунікада, кажа былы палітвязень, праваабаронца Леанід Судаленка:
– 3,5 гады па першым прыгаворы, зараз ужо 3 гады. Улічваючы яго ўзрост і тэрмін выхаду на волю ў 2031 годзе, узнікаюць сур’ёзныя пытанні. Ці вытрымае здароўе Алеся Бяляцкага турэмныя засценкі дыктатара Лукашэнкі?
Больш пра Алеся Бяляцкага, які палову свайго жыцця аддаў абароне правоў чалавека, можна даведацца з публіцыстычнай перадачы “Мы бачым”, якая прагучыць у эфіры Беларускага Радыё Рацыя 22 верасня ў 17.10 па беларускім часе, па польскім – на гадзіну раней.
Беларускае Радыё Рацыя
