Ліст-хадайніцтва да Папы Рымскага Льва-XIV аб вызваленні кіраўніка праваабарончага цэнтра «Вясна», Нобелеўскага лаўрэата Алеся Бяляцкага з турмы дыктатара Лукашэнкі перададзены ў Ватыкан праваабаронцам Леанідам Судаленкам.
Гаворыць праваабаронца:
– Адбылася аўдыенцыя ў Ватыкане, якія ён праводзіць па серадах, на адкрытым паветры на плошчы. Я перадаў наш ліст. Будзем спадзявацца на станоўчыя вынікі.
Нагадаем, што праваабаронцы трох краін Аляксандра Раманцова («Цэнтр грамадзянскіх свабод» ва Украіне), Алег Арлоў (цэнтр абароны правоў чалавека «Мемарыял») і беларускі праваабаронца Леанід Судаленка правялі шэраг сустрэч з італьянскімі парламентарыямі, палітыкамі, журналістамі і грамадскасцю. Галоўная тэма сустрэч: вызваленне палітвязняў трох краін – Беларусі, Украіны, Расеі.
Беларускае Радыё Рацыя
