фота Радыё Свабода
Максім Урбановіч, брат беларускага добраахвотніка з палка Каліноўскага Дзяніса Урбановіча, вырашыў не абскарджваць прысуд — 1,5 года пазбаўлення волі — і чакае этапу ў калонію.
Пра гэта паведаміла выданьню “Позірку” крыніца, знаёмая з сітуацыяй. 27 чэрвеня суд Заводскага раёна Менска разгледзеў крымінальную справу палітвязня Максіма за нібыта «арганізацыю і падрыхтоўка дзеянняў, якія груба парушаюць грамадскі парадак».
Чакаецца, што Урбановіч будзе этапаваны ў калонію на наступным тыдні. У якую менавіта, пакуль невядома. Раней паведамлялася, што Максім мінімум два гады не падтрымлівае стасункаў з братам, які ваюе за Ўкраіну.
