У судзе Цэнтральнага раёна Менску асудзілі актрысу і мадэль Кацярыну Явід. Дзяўчыну пакаралі за ўдзел у пратэстах. Прысудзілі хатнюю хімію.
Як піша Наша Ніва, Кацярыне 30 гадоў. Мяркуючы па звестках у сацсетках, працуе ў кампаніі па продажу керамічнай пліткі.
Апроч таго, Кацярына вядомая як мадэль, а таксама перыядычна здымаецца ў фільмах і серыялах. Яна знялася ў 12 фільмах і серыялах.
Найлепшы з серыялаў, у якіх грала Кацярына Явід, мае на IMDB рэйтынг 7,7 — гэта расейскі дэтэктыў «Змеі і лесвіцы» (2020). Апошні з праектаў выйшаў у мінулым годзе, гэта меладраматычны серыял «Рыбка па імені Люба».
