Тбіліскі гарадскі суд 21 сакавіка 2025 году распачне разгляд скаргі беларускай спартоўкі, сябра Каардынацыйнай Рады Марыны Зялёнай.
Пра свой статус і будучы суд распавядае Марына Зялёная:
– Зараз у мяне статус чалавека, які шукае магчымасцяў жыць у Грузіі. Гэта будзе абскарджванне, бо дэпартамент па міграцыі вырашыў, што мой кейс адпавядае гуманітарнаму статусу. У мяне дзіця, у якога скончыўся пашпарт. Я ўжо іду бонусам, бо дзіця не можа самастойна пайсці і падаць дакументы.
Па словах спартоўкі, якая неаднаразова выходзіла на публічныя акцыі ў Грузіі, – пікеты каля грузінскіх устаноў не паўплывалі на яе статус у гэтай краіне:
– Мы гэта рабілі ў межах законаў Грузіі. Яны дазваляюць так сябе паводзіць. Таксама мы сутыкнуліся з тым, што нашыя справы былі замаруджаны. Калі вы замаруджваеце працу ў судах і працу з магчымасцю атрымаць абарону і г.д. – гэта як адмова ад правасуддзя. Мы выходзілі, таму што мы не маглі рабіць гэта неяк інакш.
На дадзены момант у Грузіі больш за 100 беларусаў просяць статус міжнароднай абароны, аднак за апошнія тры гадзі ніводзін беларус гэтага статусу не атрымаў.
Беларускае Радыё Рацыя
