Сябра Каардынацыйнай Рады, спартоўка Марына Зялёная працягвае змаганне за права на міжнародную абарону ў Грузіі.
Марына склала і перадала ў судовыя органы Грузіі ліст супраць грузінскай службы бяспекі, аналага беларускага КДБ, якое лічыць Марыну «пагрозай нацыянальнай бяспецы» Грузіі:
-Мы падумалі, што будзе лепш за ўсё скласці і падаць заяву на ануляванне ліста ад службы Дзяржбяспекі Грузіі, на падставе якога мне была дадзена адмова. Афіцыйна я і мой шасцігадовы сын Міраслаў з’яўляемся пагрозай бяспецы ў Сакартвэла.
Марына не бачыла і ніколі не трымала ў сваіх руках ліст, у якім напісана, што яна з’яўляецца «пагрозай нацыянальнай бяспецы Грузіі»:
-І гэта сакрэтная паперка, якую могуць пабачыць толькі суддзі. Але ж яны не могуць яе пабачыць, бо СДБ яе ніяк не дае. Мы спрабуем СДБ Грузіі прыцягнуць да адказнасці і паглядзець у вочы тым людзям, якія насамрэч напісалі гэты ліст. Але, я думаю, такіх людзей не існуе.
За сваё права на міжнародную абарону ў Грузіі змагаюцца больш за сотню беларусаў, аднак ніводзін з іх не атрымаў у гэтай каўказскай краіне гэтага статусу.
Цалкам матэрыял:
Беларускае Радыё Рацыя
