Беларускай мастачцы прысудзілі тры гады калоніі за дапамогу палітвязням. Паводле інфармацыі dissidentby, Аксана Шаляпіна падтрымлівала некалькі дзясяткаў людзей, якія знаходзіліся пад вартай.
Аксана была затрыманая ў чэрвені 2025 года і да суда ўтрымлівалася ў СІЗА. Прысуд абвешчаны 8 снежня. Шалягіну прызналі палітычнай зняволенай.
Аксана Шаляпіна скончыла архітэктурны факультэт і з 2009 года займаецца алейным жывапісам. Яе працы ўваходзяць у прыватныя калекцыі ў ЗША, Германіі, Казахстане, Расеі, Грузіі, Беларусі, Люксембургу, Фінляндыі і Італіі, а таксама прадстаўлены ў галерэі Larus (ЗША).
