Менчука затрымалі за каментары пра тэракт у«Крокусе». І цяпер судзяць па трох крымінальных артыкулах.
Раману Якімянку 44 гады. Ён працаваў кіроўцам у розных фірмах. Пра яго затрыманне стала вядома 27 сакавіка. На відэа мужчыну змусілі казаць, што ён пакідаў негатыўныя каментары пра тэракт у
«Крокус сіці хол» і пісаў у бот Nexta. Рамана пачнуць судзіць 22 кастрычніка ў Мінскім гарадскім судзе. Яго абвінавачваюць у «абразе Лукашэнкі», «распальванні варожасці» і «садзейнічанні экстрэмісцкай дзейнасці». Яму пагражае да шасці гадоў калоніі. Судзіць Рамана будзе Вера Галаўкова. Яна працуе па палітычных справах з 2016 года. Напрыклад, судзіла салідарных з палітвязнямі і пенсіянерку Наталлю Пятровіч за каментары.
Фота: Укантакце
